Rai chhung hi thi neih tawp ber (a ni khat ni) atanga chhutin thla 9 leh ni 7 (ni 280/ kar 40) a ni tlangpui a. Hemi hun chhung hi hmun thumah a then theih a:-
(1) First trimester (kar 1 atanga kar 12)
(2) Second trimester (kar 13 atanga kar 28)
(3) Third trimester (kar 29 atanga kar 40)
Rai lai hian nu leh naute an hrisel zawk theih nan Doctor
hnenah in check-up fo thin tur a ni. Hetiang hian :-
Kar 1 atanga kar 28 inkarah – kar 4 danah zel in
check-up thin tur a ni.
Kar 28 atanga kar 36 inkarah – kar 2 danah.
Kar 36 atanga kar 40 inkarah – kar tin.
A chunga mi anga in check-up a theih loh pawhin, WHO pawm dan angin vawi 4
tal in check-up tur a ni.
Hetiangin:-
Vawi 1 in check-up na -kar 16 naah.
Vawi 2 na – kar 24 atanga kar 28 na inkarah
Vawi 3 na – kar 32 naah
Vawi 4 na – kar 36 naah.
Naupai laia hriattur pawi-mawhte (antenatal advice) :
(1) Chaw ei (Diet) – Chaw ei that (regular) leh ei tih that hi nu tan, naute tan, nau neih awlsam nan leh hnute tui tan a pawimawh hle a ni. A bik takin thla 4 hnu lamah ei tihthat a pawimawh hle. Chaw ei tur (diet) chu protein (sa, sangha, artui etc.), vitamin (thei, sathin, nuts etc.), carbohydrate (thil thlum lampang), thau lampang (fats) te a tel tur a ni. Thlai hring ei tam a tha hle bawk. Bawnghnute ni tin litre chanve tal in thin a tha.
Naupai laiin nuin iro n a mamawh tam avangin chawa iron-in taksa mamawh a phuhruk thin loh avangin thla 4 hnuah phei chuan iron pek ngei ngei tur a ni.
(2) Awm hahdam (Rest) -Hna hahthlak leh hna hrám thawh loh tur a ni. A bik takin thla 3 hmaah leh thla 8 hnuah phei chuan fimkhur hle tur.
(3) Mut (Sleep) – Rai lai hian nuin mut a mamawh em em a. Darkar 10 tal mut tur a ni, zanah darkar 8 leh chhunah darkar hnih tal. Saisir zawnga mut a hahdam.
(4) Inthiar – Ek khal/harsat (constipation) a awm duh, thil tuiril lampang in tam a tha. Ek nêmna ei a pawi lo.
(5) Inbual – Ni tin inbual a tha, mahse inbual laia tluk a hlauhawm a, inven fimkhur a tha.
(6) Inthuamna – Kawr tháwl leh hak nuam inbel a tha, pheikhawk sang lampang bun loh theih hram a tha.
(7) Ha enkawl – Raiin ha-nâ a neih chuan ha doctor hnenah 2nd trimester-a inentir tur a ni.
(8) Hnute enkawl – Hnute hmur them chu damdawi inah a siam that theih a, thla tawp lamah. A pàn loh nan tihfai ngun a pawimawh.
(9) Mipat-hmeichhiatna – 1 st trimester-ah leh thla 7 leh a chanve hnu lamah chuan mipat-hmeichhiatna hman loh a tha.
(10) Motor chuan – 1st trimester-ah leh thla 7 leh a chanve hnuah chuan motor chuan loh a tha. Zin vei vah dawn pawhin 2nd trimester laia zin tur a ni.
(11) Zuk leh hmuam – Mei zuk leh zu in hi chu a that loht hrim hrim avangin rai lai pawn, rai loh lai pawn tih loh tur. Rai laia nuin mei a zuk chuan naute a piang tê (small), chu bakah nau chhiat a hlauhawm bawk.
Zu in erawh chuan naute a tipiangsual thei a, a than a tithu thei bawk. Chuvangin nautet chum, hmeltha leh hrisel i duh chuan, zuk leh hmuam insum tur a ni.
(12)Immunization – Tetanus injection vawi 2 lak tur a ni.
1st – kar 16 atanga kar 24 naah.
2nd – kar 6 hnuah. Rai hmasak laia la tawh tan Booster 3rd trimester-ah lak tur a ni. A hnuaia mite hi i nei a nih chuan Doctor i rawn dawn nia:-
(a) Luna, mut theih loh leh awm hle hle thei lo.
(b) Zun lam harsatna (zun tlem).
(c) Thin na leh luak.
(d) Pum na (painful uterine contraction) minute 10 dan zelah darkar 1 aia rei.
(e) Thi pût.
(f) Thil tui pût.
High risk gr oup of pregnancy:- A hnuaia mite hi ‘high risk group’ an tih te an ni a. Doctor-te ráwn leh mahni inuluk zual a ngai a ni.
(1) Kum 30 hnua rai.
(2) Mi tawi (feet 4 leh inches 6 aia tawi).
(3) Anaemia (haemoglobin <l0gm/dl).
(4) Fa 4 aia tam nei tawh.
(5) Phir.
(6) Nau chhiat/zai tawh.
(7) Nau let linga awm (malpresentation).
(8) Zun thlum (diabetes), thisen sang (hyper -tension), lung lam tha lo (heart disease) etc.