West Garo Hills (WGH) police, Meghalaya-in Assam-a cheng, tleirawl kum 16 mi pawngsuala puh an man.
An mi man hian August 22 zan dar 8:00 vel khan cashew nut an chinna hmunah tleirawl a pawngsual nia sawi a ni.
Tleirawl hian a chhungte a hrilh hnuah August 29 khan police hnenah an hriattir.
Police-ten an chhui tawh chinah chuan pawngsualtua puh, Maidul Islam-a hian WGH-ah hian nupui a neih bakah Assam-ah pawh mi dang a nei.
A nupui pakhat zawk nen hianGaro Hills-ah hian an cheng a. Tleirawl a pawngsual dawn pawh hian nupui a neih tawh thu hi zepin nei turin a intiam niin an sawi.
Tleirawl hian Islam-an a chunga a thil tih chu a pu hnenah hrilhin a chhungte hian FIR an thehlut ta vat a ni.
“Pawngsualtua puh hi kan man tawh a, custody-ah a awm mek a. Thubuai hi POCSO Act hnuaia kalpui turin thil thlen dan kimchang hi la bawhzui mek a n,” tiin WGH Superintendent of Police, DR MGR Kumar chuan a sawi.