Thailand rama YouTuber lar tak chu follower te pawisa pumchhuakin tunah hian $Maktaduai 55 vela inbumnaah Thai police te’n man tumin an veh mek.
Natthamon Khongchak hian Foreign exchang trading inbumna liantham takah hian sum peipuinna atangin a hlawkna tam tak pe tura a tiam hnu-ah rul leh thei si lovin a talbuai zui hle.
Karhmasa tawp lam atang khan Thailand police te chuan arrest warrant chhuah tawhin Cyber Crime Investigatin Bureau-in an chhuizui nghal.
Nutty tia hriatlar hian YouTube-ah subscriber 847,000 chuang neiin, dance video a dah thin a. Instagram account kaltlangin forex traders course te pawh private angin a pe tel bawk.
Hetah hian forex traders atanga a sum hmuh leh lakchhuah dan thalalak te dahchhuakin follower te chu an sum peipung ve turin a sawm thin a ni.
The Nations chanchinbu tarlan danin, Nutty hian follower sangruk chuang te hnen atangin sum a dawng a, an sum peipunna atangin a hlawkna 35% thleng dawng thei turin angin a tiam bawk.