Juventus in Serie A table chunglam panin hnehna an chang a. Spezia lakah an striker pahnihten goal khungin 2-0 in Nilaini zanah point thum an hmu.
Allianz Stadium-ah Juve tan Serbian striker Dusan Vlahovic chuan minute 9-naah goal a khung a. Penalty area pawn atangin freekick duhthusam a pet lut.
First half-ah Juve inthlahdah chu Spezia forward Emmanuel Gyasi chuan remchangah la in an si phurh a sut niin a lang hman a, mahse a goal khung chu offside avanga pawmsak a ni lo.
Juve in Spezia tlarhnung sut tlang mai an harsat a, goal hlauhawm an siam tam lo. An lawm loh belhchhah turin inhliam damkawr goalkeeper Wojciech Szczesny chu inhliam nawn lehin Italian goalkeeper Mattia Perin chuan a thlak a ngai.
Second half tawp lamah erawh Juve an hlauhawm thin a, Spezia tang tluan thei tawh lovin lakluh tharArkadiusz Milik chuan an goal hnihna chiang takin a khung.
Inkhel zawhah Poland striker chuan, “Club tana ka goal hmasa ber ka khung hi ka lawm a, ka tan thil pawimawh tak a ni. Second half kha a awlsam lo hle a. Keimah bikah chuan Dusan hi player tha tak a ni a, coach in khel zawk tur a thlang dawn a, chuvangin keimah bak inbuaipui thei ka ni lo. Vawikhatah kan khel dun thei in ka hre bawk.” tiin a sawi.
Napoli in hmahruaitu Inter Milan tluk theihna nei mahse Eljif Elmas goal khung chu Lecce tan Lorenzo Colombo chuan a sut a, 1-1 in an inhnehtawk.