Lawngtlai khawpui chhunga veng pahnih – Lawngtlai Vengpui leh Electric Vengah te vawk natna, African Swine Fever (ASF) kai leh he hri avanga vawk thi a awm avangin a darh zel loh nan Lawngtlai District Veterinary Officer Dr Thanseia Chhangte chuan ‘The Prevention & Control of Infectious & Contagious Disease in Animal Act, 2009’ Section 20 Sub-section-I tlawh chhanin heng veng pahnih hi September 1, 2022 atanga thu leh awm hma atan vawk hri lenna hmun, ‘Infected Area’-ah a puang.
Infected area chhungah hian vawk lak luh emaw, lak chhuah emaw khap tlat a ni a. Vawk talh leh vawksa zawrh khap tlat a ni a, vawk thi reng reng paih mai lovin chinai nen thuk takah phum ngei ngei tur a ni a, vawk thi a awmin vety department-ah emaw, VC hnenah emaw hriattir zel tura tih a ni bawk.