French champion Paris Saint-Germain tan an tlarhma an par vul leh a. Neymar leh Kylian Mbappe ten goal an khung ve ve zanah 3-0 in Toulouse an hneh.
Nilaini zana Stadium Municipal a inkhelah halftime hma leh hnuah Neymar leh Mbappe te hian goal an khung a. PSG in khelh nga atang point 13 an hmu tawh.
Neymar-a’n PSG tana a goal 109-na khungin tun season-ah goal sarih a khung tawh a. Mbappe hian league-ah a goal 5-na a khung ve bawk.
Inkhel dangah Lyon in an mikhual AJ Auxerre 2-1 in an hneh a. Tun season Ligue 1-ah a vawi thum nan an chak.
Groupama Stadium a inkhelah Mateus Tete chuan minute 29-naah an goal hmahruai a khung a. Minute 72-naah forward pawimawh Karl Toko Ekambi chuan an goal hnihna a khung.
Stade Vélodrome-ah Olympique Marseille in Pape Gueye goal khung hmangin 1-0 in Clermont Foot an hneh a. Hetihlai hian AS Monaco in second half player 10 a khelin an mikhual Troyes chu 4-2 in an hneh lo.