Aizawl : MHIP Ramhlun North branch-in ODF+ Compliance Swachh Bharat Mission (Urban) hnuaia vantlang zun in an siam chu nimin khan AMC Ward III Councillor C Lalchhandami’n a hawng.
Bialtu Councillor chuan “Khawpui fai leh thianghlim nei tur chuan kan vantlang zun in te a faia a thianghlim hmasak a ngai” a ti a. India ram khawpui fai inelnaah Aizawl khawpui a tlin loh fo chhan pawh vantlang zun in te a thianghlim tawk loh vang leh a that tawk loh vang a ni fo thin niin a sawi.
Vantlang zunin te thianghlim taka vawng tura mipuiin theihtawpa tan lak thar a tul thu C Lalchhandami chuan a sawi a. A bial chhungah hnamdang hmuh atan pawha zahpuiawmlo ODF+ standard zin in pali an neih theih tak avanga lawmawm a tih thu leh, heng an neih theihna tura PHE thuneitu ten an puihnaah lawmthu a sawi bawk.
C Lalchhandami chuan MHIP Ramhlun North branch-in hlep pawh ngaihtuah lova vantlang zun in țha tak leh mawi tak an siam thei chu fakin, lawmthu a hrilh a. A hmangtu apiang ten thianghlim taka sulhnu dah zel turin a chah bawk a ni.