Union Home leh Cooperation Minister Amit Shah chuan Ningani khan Davangere district, Karnataka-ah hmasawnna ruhrel din eng emaw zat a hawng.
Shah hian Gandhi Bhavan, Police Public Residential School leh police quarters tharte chu GM Institute of Technology, Davangere atangin biak hmuh theihna kaltlangin a hawng a. Institute of Technology-ah library changkang a hawng bawk.
Home minister chuan Prime Minister Narendra Modi-a kaihhruai sorkar laipui chuan hripui len lai pawhin mi tinte himna tur a ngaihtuah reng tih a sawi a. Mi baihvai, pem, Dalit leh tribal zawng zawngte pawh an mamawh a ngaihtuahsak niin a sawi.
Shah chuan a hun taka thutlukna siam thin chuan hripui lakah pawh ram mipui tam tak an him phah niin a sawi a. Invenna pek tih chak leh damdawi in tihchangtlunte chu a hlawk hle tih a sawi.