Paris St-Germain midfielder Julian Draxler chuan tun season tluan atan Portuguese football club Benfica chu loan in a zawm.
Kum 28 mi Germany international hian kum 2017 khan PSG hi Pound maktaduai 35.5 in a zawm a. France a hun a hman chhungin Ligue 1 title pali a la hman.
Paris a hun a hman chhung hian an tan match 198 a khel a, goal 26 khungin midang khung tur vawi 41 a siamsak. Player tangkai ni thin mahse player hming langsar zawk an lakluh zel avangin a langsar pawlah a tang lo fo thin a, khelhna hmun chan loh chang a nei nual thin.
French champion hian Spanish midfielder Carlos Soler chu an lalut fel bawk a. Kum 25 mi hi central midfield leh right midfielder anga chhawr theih a ni a, hei vang hian Draxler-a tan khelhna hmun tlem lehzual tura ngaih a ni.
PSG hian tun nipui bazar inkhar hma in lut leh chhuak an ngah hle a. Spanish midfielder Fabian Ruiz pawh kum nga chhung atan Nilaini khan an lalut a. Hetihlai hian Argentina midfielder Leandro Paredes, Senegal international Idrissa Gueye, France left-back Layvin Kurzawa, Senegal defender Abdou Diallo leh Spanish midfielder Ander Herrera te an chhuak vek.