Aizawl : Pradhan Mantri Jan Vikas Karyakram (PMJVK) atanga State sorkar hmalaknaa Lawngtlai College Venga Residential Sports School sak mek chu nimin khan Lawngtlai East bialtu MLA H. Biakzaua’n tlawhin, hna kal mek a enfiah.
Hna thawktu contractor ten Lawngtlai East bialtu MLA chu lo dawngsawngin, an hna thawh tawh chin leh hna kal mek te lo enpuiin, an lo hrilhfiah a. MLA chuan hnathawktute chu theihtawp chhuah chhunzawm zel tur leh harsatna an neihte a hnena thlen hreh lo turin a chah a. An hnathawh chu ṭhalaite hmakhua thui tak hriltu, ram rotling tur a nih avangin a ṭha thei ang bera thawk tura chah in, hun tiam chhunga an hna zo ngei turin contractor-te a hrilh bawk.
H Biakzaua chuan state sorkarin Lawngtlai dist a ngaihsak hle, tiin sports project lian tak tak kalpui a nih thu a sawi.
Sorkar thuchhuahin a tarlan danin Lawngtlai Residential Sports School hi Rs. nuai 3,461.70 senna tura ruahman niin, DJ Consultancy, Aizawl-in nikum September-ah hna tanin, 2023-a hawn theiha zawh hman tum a ni a. Phullem phah hna Decor India-in an thawk tan tawh bawk.