BJP Mizoram President Vanlalhmuaka chuan thuneihna changa sorkarna siam mektu MNF party-in party dang en kânna leh thliarna nasa taka kalpuiah a puh.
BJP party-in Friday Political Session nimina an pisa-ah an neihah thu sawiin Vanlalhmuaka hian, “Mizoramah MNF sorkar hian flagship programme atana SEDP an hmanah secularism bawhchhiatna lian tak tak a awm,” a ti a, political party reng rengin affiliation an tih dawnin thlei bik leh thlir bik a rem loh thu an intiam thlap laiin, kawng hrang hrangin mahni party tih bik tlatna, party dang en kânna leh thliarna hi nasa takin MNF hian an kalpui niin a sawi.
Vanlalhmuaka hian India ram hi mipui rorelna ram a nih avangin chi leh chi emaw, sakhua chungchangah emaw thliar bik tumah an neih a thiang lo tih a sawi a, central-ah BJP kaihhruai sorkar hian India ram puma India mi tute tan pawh PM Scheme kaltlangin tumah thliar leh thlei bik nei lo niin a sawi bawk.