Bennifer te Inneih official thlalak phochhuah a ni ta a, kum 2000 chho vela milar pahnih Ben Affleck leh Jennifer Lopez te hi innei tura engkim tihfel vek a nih tawh hnu ah chawpchilh takin an thulh.
A hnuah ‘Batman’ actor Ben hi Jennifer Garner nen innei in, fanu duhawm tak pathum an nei. Lopez pawhin a pasal hlui March Anthony lak atangin phir Max leh Emme a nei a, pasal dang te pawh a nei leh. Heti chung hian an inkara inhmangaihna leh inngainat chu a reh thei tak tak chuang lo.
An pahnih hian an kawppui te ve ve an then a, a tawpah chuan khuanu samsuih ni ngei tura mawiin an innei ta a ni. An inneih atanga kar hnih dawn liam hnu-ah Lopez hian a vawikhatna ni turin Instagram-ah inneih thlalak a phochhuak a, fan te lawm a kim.