Aizawl : MSU leh Mizoram Rural Bank tangkawpin Inrinni khan Govt. Hrangbana Collegle leh ZoCareer Institute, Chanmari, Aizawl-ah Mizoram Competitive Aspirants Aptitude Test (MCAAT) an buatsaih a. Mizo thalai hna zawng mek ten Mizoram sorkar hnuai piahlama banking, SSC leh hnaruak dang hrang hranga hlawhtlinna sang zawk an chan theihna atana MCAAT buatsaih an nih thu MSU chuan an sawi.
MCAAT-ah hian Mizo thalai hna zawng mek mi 424 inziaklutin, inziaklut hman lova tel engemawzat an awm bawk. He test-a ti tha tan lawmman Rs. 20,000, pahnihna Rs. 15,000, pathumna Rs. 10,000 te niin Smartphone leh certificate a kengtel theuh a. He test-a ti tha zual mi 7 tan pawh lawmman siam niin, tun thla ni 9-ah lawmman sem a ni ang.
MSU hian UPSC challenge inter-college quiz an buatsaih mek bawk.