A elpui Netflix, Disney+ leh HBO Max te chhanletna tur atana siam, ‘Lord of the Rings’ chuan Amazon Prime chuan a tifuh hle a, tlangzarh Ni khan view maktaduai 25 chuang hlawh.
Zirtawpni kaltaa tihchhuah tan, ‘The Lord of the Rings: The Rings of Power’ hi J.R.R. Tolkien-a kutchhuak niin, Prime Video chanchina film tlangzarh lian ber ni zuiin, viewer maktaduai 25 a kochhuak nghal thei.
He flaship production katlang hian HBO siam leh series hit tak, ‘Game of Throens,’ ‘House of the Dragaon’- August 21-a tihchhuah te a dolet thei tura ngaih a ni a, HBO in a chhuan em em, US-ah ringawt pawh viewer maktaduai 10 vel kochhuak thei hi khua rei-ah a an inbei tawk zel dawn em, tih chu hun in a rawn hril ang.
Ni khat thil thu-a khawvelpuma viewers maktaduai 25 aia tamin ‘The Lord of the Rings: The Rings of Power’ hi hmuhnawm ti takin an en kha a ni a, tunhma lama series lar tak tak te a khum fai vek. Tun dinhmunah episodes pahnih tihchhuah phawt a ni.
He series hi Ocotber 14 thlengin a kal chhunzawm dawn a, streaming lian tak takte intihsiakna leh inelna puitham takah hian tunge dingchhuak dawn hriat a ni lova. Netflix, Disney” leh HBO Max te tan Amazon rawn lawr chho zawk mai hi ngaimawh tham a tling ngei dawn e.