Paris Saint-Germain star Kylian Mbappe chuan goal hnih a khung zanah awlsam takin 3-0 in Nantes an hneh a. Ligue 1 table chung berah an awm chhunzawm.
Stade de la Beaujoire-ah France forward hian halftime hma leh hnuah goal a khung a. Tun season-ah goal sarih a khungna niin second half-ah Neymar-a’n a thlak a. UEFA Champions League an khelh tur thlirlawkin coach Christophe Galtier chuan a forward te a khek.
Nantes hian minute 24-naah Fabio chu red card avangin an chan a, tlem zawka khelin PSG tan buaina tham an tling lo. French champion tan Nuno Mendes chuan an goal thumna a khung ve bawk a. Tun season-ah league goal 24 an khung der tawh.