Spanish tennis star Rafael Nadal chuan kumin a Grand Slam title pathumna ni tur lak tumin ke a pen zel a. US Open-ah fourth round lut turin Richard Gasquet awlsam takin a hneh.
Flushing Meadows a vawi li champion tawh Nadal hian 6-0 6-1 7-5 in hnehna a chang a. French mi Gasquet laka vawi 18 a chakna a ni.
Kum 36 mi hian kuminah Australian Open leh French Open title te a la tawh a. Wimbledon semi-final ah inhliam avangin a khel thei lo.
Quarter-final luh inchuh turin Frances Tiafoe nen an inkhel leh ang.
Nadal hi kum 2019 a US Open-ah a champion hnuin a vawikhatna atan New York-ah a inkhel leh a. Round hmasa ber leh a dawttu ah set hloh hmasa zawka tang chungin chak mahse Inrinni zana inkhelah erawh ngai a awh leh tawh a, a hun takah a che tha leh tawh niin a lang.
Inrinni zana inkhel dangah Nadal a hnampui leh world number four Carlos Alcaraz chuan American mi Jenson Brooksby chu awlsam takin a hneh a. Round of 16 a lut.
Arthur Ashe Stadium-ah Alcaraz hian 6-3 6-3 6-3 in a khingpui hi a hneh a. Nikum khan US Open a vawikhat khelhnaah quarter-final a thleng thei nghal.