Kum 25 zet a nuam leh hrehawmah, chetchhiat leh chetthatah te pawh lo inhrawn hrep tawh an ni a. An khuangpui Taylor Hawkins thih hnua Foo Fighters concert hmasa berah mittui a luang a, member dangte an insum zo lo.
Foo Fighters puipa Dave Grohl chu March liam taa drmmer Taylor an sun hnu ah amah hriatreng nana London khawpuia Wembley Stadium-a all-star concert-ah hian hnuk ulh teuh chungin a inlan a, a insum thei lo a ni ber.
“It’s times like these you learn to live again’ hla thu a sak lai phei chuan a mittui a luangchhuak.
Tunhma lam khan Grolh hian Taylor chu a thiantha, bandmate leh unaupa’ tiin a lo sawi tawh. ‘Amah anga min tinuitu leh min tihlimtu, zai aia lam thiam bawk hi tumah an la awm lo’ a ti nghe nghe.
Dawhsan atangin, “Zai ula, lam ula, nui ula, tap ula, au vak vak rawh u.. tichuan hla tak atang pawhin min lo hre thei dawn a ni,” tiin fan te a sawm nghal bawk.
Taylor hi March thla liam ta khan Colombia-a hotel room pakhatah thi a hmuh a ni a, Bogota khawpuia Foo Fighters in show an neih hma lawka thil thleng niin, kum 50 mi a ni.
A thih chhan tak hi sawi chian a ni lova, toxicology report-ah chuan a taksaah hian substance 10 vel hmuh niin, opioids, marijuana leh anti-depressantes te pawh a tel a ni.
Investigator te chuan drugs chawhpawlh hi a thih chhan dik a ni, tih lam hawi an sawi lo thung.