India ramah darkar 24 liam ta chhungin coronavirus kai mi 5,910 hmuh chhuah leh hman niin mi 4,44,62,445-in an kai ta.
A kai enkawl lai erawh tlahniam zelin mi 53,974 an la awm mek tih union health ministry chuan a sawi.
Darkar 24 liam ta chhungin mi 16-in thihpui leh hmanin mi 5,28,007-in an thihpui tawh a, heng zinga mi pasarih hi a hma lama thi tawh, Kerala-a chhinchhiah thar an ni.
Hri kai hmuh chhuah tawh zawng zawng atanga chhutin enkawl lai hi 0.12% an la ni mek a, 98.69% chu enkawl dam an ni tawh.
Darkar 24 liam ta chhung hian enkawl lai zat hi mi 1,140-in an tlahniam leh hman a ni.
Darkar 24 liam ta chhunga sample endik zinga 2.60% chuan hri an kai tih hmuh chhuah niin chawlhkar khat liam ta chhunga endik zinga 2.15%-in an kai bawk.
Covid kai tawh zinga mi 4,38,80,464 chu enkawl dam tawh niin 1.19%-in an thihpui tawh thung.
Ministry-in a chhinchhiah dan chuan invenna pek beihpui thlak kal mek zelah vaccine dose vaibelchhe 213.52 pek a ni tawh.