SoFi Stadium, California-ah The Weeknd-a’n sold-out concert neih laklawh laiin a ‘aw’ a hlot thut a, chawpchilh takin concert a titawp thut.
Kum 31 mi hian thupha chawi mah se, fan te hian an ‘boo’ khum hluah hluah. “Ka duhdan ang ngeia concert hlui che ka duh na a, ka thei ta lo. In zavaia in him tlan vek ka beisei a, in pawisa in hmu kir leh vek ang.
“In pual liau liauin concert ka nei leh dawn. Thupha ka chawi a, in ngaihdamna ka dil a ni.. a pawi takzet, ” tiin a sawi.
Pathianni khan The Weeknd hian social media kaltlangin ngaihdam dilna a ziakchhuak leh bawk.
“Ka hla khatna ka sak lai khan ka ‘aw’ a ka hloh deuh tlat mai a, ka manganga nasa hman hle. Thinlung zawng zawngin fan te hnenah ngaihdam ka dil a ni. Hun remchang hmasa ber ah a Ni kan tuk ang a, in tan ka inlan leh ngei dawn a ni,” tiin Instagram-ah a ziak a ni.