All India Football (AIFF) executive member 14 thlan chhuah thar zingah Lalnghinglova Hmar a tel hi Congress party chuan an lawmpui thu an sawi.
Nimina MPCC thuchhuah chuan, AIFF-a nihna pawimawh tak chelh lai mek, Mizoram Football Association-a Honorary Secretary ni mek bawk, Lalnghinglova Hmar hi Mizoram leh Mizo hnam ti hmingthatuah an ngai tih sawiin, an lawmpui thu leh an chhuan thu an sawi.
Mizorama Football hmasawnna tura sulsutu leh Mizo thalai tam tak Football hmanga eizawnna kawng kawhhmuhtu Lalnghinglova Hmar hi Mizoram infiamna khawvel tana mi tangkai tak ni zel turin MPCC hian duhsakna an hlan nghal bawk.