Aizawl: BJP Mizoram Pradesh chuan Zirtirtute Ni pualin nimin khan an party member zirtirtu hna thawk chawl tawhte an chawimawi.
Atal Bhawan-a hun hmanah thu sawiin BJP President Vanlalhmuaka chuan Mizoram chhunga zirtirtute hian an zirlaite hmakhua ngaia khua leh tui tha ni tura buatsaihtute, an zirlaite thiam loh hlaua an zirlaite tana inpe tak tak zirtirtute, sorkarin an awm tura a siamna hmun apianga ihe loa ram leh hnam rawngbawlnaa ngaia kal mai thinte chu an party chuan chawimawiin zahna chibai an buk tih a sawi.
Vanlalhmuaka hian khua leh tui tha ni tura a huhoa mi dangte nena khawsakhona tam ber chu zirna in a nih avangin chhiat leh thatah ram zirna hian mawh a phur tih a sawi a. “Kan ramah zirna a that chuan kan ram a tha ang a, kan ram zirna ber kan hlamchhiah a, politics zawnga kan ngaihtuah chuan kan ram hmabak chu thim tak a ni ang,” a ti.
BJP Core Member Vanupa Zathang kaihhruai inkhawmah hian BJP MLA Dr BD Chakma pawhin thu a sawi bawk.