Indian Defence Minister Rajnath Singh leh External Affairs Minister Dr. S. Jaishankar chuan Thawhlehni khan Japan an pan a, India-Japan 2+2 Ministerial Meeting vawi hnihnaah an tel ang.
Ni li an cham chhung hian ram pahniha minister pahnih ve vete chu indawrin thawhhona tur hrang hrang leh hmalakho zel dan turte an sawi ang a. Defence Ministerial Meeting leh Foreign Ministers’ Strategic Dialogue tia hming vuahin an inbe dawn a ni.
India-Japan Special Strategic & Global Partnership hi mipui rorelna, zalenna leh dan hmanga inenkawlna hnuaia awm a ni a. Minister-te inbiaknaah hian an thawhhona neih sa bakah huang zauh tum a ni dawn bawk a ni.