France midfielder Paul Pogba chu kumthar hma a inkhel thei dawn lo a ang ta hle a. A khup hliam zai a ngaih avangin a chawl rei dawn tih a club in an sawi.
Pogba hian tun nipui a Manchester United chhuahsan a Juventus a zawm hnuah training-ah a khup a ti a. A hliam hi endik a nih hnuah zai ngai lova enkawl dam an thlang hmasa. Nimahsela beisei anga a dam theih loh avangin Juventus manager Massimiliano Allegri chuan zai a ngai dawn tih Thawhtanni khan a sawi.
Hetiang a nih vang hian kumtawp a Qatar a khelh tur kum 2022 World Cup-ah a tel thei ang em tih hriat a ni lo.
Allegri chuan, “Tukinah a tuk hnih nan training a nei a, mahse a chhunzawm rei thei lo. Khatah khan thutlukna kan siam a, zai a dam phawt a tha zawk tih kan pawm. Kir leh thuai turin beisei nei sang mah ila January ah dam taka a lo kir kan beisei.” tiin a sawi.