Thinphu dep depa thlir mek leh film nghalhhlelhawm ni bawk, ‘Brahmastra’ chu boycott tura ngenna karah tunkar tawpa en turin ticket nuai khat chuang hralh a ni a, chanchin lawmawm a ni..
Bollywood star Ranbir Kapoor leh Alia Bhatte te inlanna tur hi hman deuh atang tawh khan boycott tura ngenna leh sawmna a ri chuah chuah a, kumina film tam zawk an chetchhiat em em laiin, bitum mek a ni.
Tunkar tawp September 9-a tlangzarh tur hian mak takin, advance booking a tam hle a, PVR Cinema leh an thawhpui dangte’n ticket beisei ai tam hralhin, phur namen lovin an phur tawh.
Ticket hralh chhuah zat hi nuai khat a chuang a ni mai lova, a hun hnai tial tial karah an hralh chho zut zut reng tho a, September 9 ah meuh chuan tam tham tak a nih tawh an ring.
Box office lamah tunhnai khan Aamir Khan, ‘Laal Singh Chaddha’ leh Akshay Kumar, ‘Raksha Bandhan’ te an ral thum thak tawh vangin Bollywood film thar tihchhuah tur tan paw’n a thlamuan thlak tawh lo hle a ni.