India ramah darkar 24 liam ta chhung khan Covid-19 kai hi mi 4,417 hmuh chhuah leh hman niin June 6 hnua ni khata kai hmuh tlem ber tum a ni.
Union health ministry-in a chhinchhiah dan chuan a hma ni aiin hri kai hmuh hi mi 1,493-in an tlem zawk a. June 6 khan mi 3,714-in an kai tih hmuh niin hemi hnua an tlem leh ber tum a ni.
Hri kai enkawl zat pawh tlahniam zelin mi 52,336 an la awm a, a kai hmuh tawh zawng zawng atanga chhutin 0.12% an la ni mek.
Darkar 24 liam ta chhung hian India ramah Covid vanga thi mi 23 chhinchhiah belh leh hman an ni a, mi 5,28,030-in an thihpui ta a. Heng zinga pakhat hi a hma lama thi tawh, Kerala-a telh thar a ni.
Mi dang 22 hi Delhi-a mi pali, Maharashtra-ah pathum, Bihar, Haryana, Karnataka leh West Bengal-ah mi pahnih theuh an ni.
Darkar 24 liam ta chhunga sample endik zinga 1.20% chuan hri an kai tih hmuh chhuah niin chawlhkar khat liam ta chhunga endik zinga 2.06%-in an kai bawk.
A kai zinga mi 4,38,86,496 chu enkawl dam tawh niin 1.19%-in an thihpui a, 98.69% erawh enkawl dam an ni leh tawh a ni.