Furpui kan lut chho dawn ta a, theirah ei uar tur zingah Theihai hmaih suh ang che. Hripui vanga hun khirh tak karah pawh ei theih dan ngaihtuah hram rawh.
Theihai ah hian lung natna, tar hma na, Cancer leh natna dangte thlentute beihlet theihna, ‘antioxidants’ chak tak a awm a. Fai taka sil a, ei fo mai hi nang leh i chhungte tan a tul a, a pawimawh hle.
Iron a tam a, naupai tan mamawh chhanna a tling. Thisen nei tlem tan phei chuan ‘ngei ngei’ a ni ringawt. (Chutih laiin, nu naupai tan ei tam hma-in doctor remtihna lak a tha) Pum pai nuam lo leh insawisel thinte tan Theihai hian dam na a pai.
Amahah hian ‘digestive enzyme’ a awm a. Protein te tihsawm nan a banpui a ni a, chu chuan pum lama insawiselna chi hrang hrang tan tangkaina a nei tha.
Potassium a tam hle a, chu chuan BP sâng a tihniam thei ‘Pectin’ an tih mai, thisena thau tha lo (cholesterol) tihniam thei a nei a, ei ngei ngei chi a ni.
Rihna tihsan i duh maw?
Ei leh In-ah khan Theihai la lut rawh le. ‘Calories’ leh ‘Carbohydrates’ a awm tha hle a, theirah tha chungchuang ti mai teh ang. Zirchianna danga a lan dan phei chuan, Kal-a lungte awm thei tur lakah venhimna tha tak a thawk thei tih a la ni cheu.
Chinese mithiamte chuan- Thisen tlem, Hahni thi, âwmna, khawsik leh luak chhuakah te a thatna duhawm tak an hmu chhuak tawh a ni.
Test tur i nei em?
Ni e, ‘Glutamine acid’ awm tamna a ni a, chu chuan thil ngaihtuahna kal ngil tur leh ngaihtuah bing thei turin a pui nasa hle. Chips tih vel ei ai chuan Theihai zai lep ei te hi a hrisel zawk.
Tin, Vitamin E a awm a, hei hian mipat hmeichhiatnaa chak lo te nasa takin a pui thei a, taksa-a ‘sex hormones’ a tichak. Khai le, fai takin sil la, ngaihngam takin ei rawh le!