Sri Lanka in Asia Cup final an lut tluk a ni tawh a. Thawhlehni zanah India lakah ball khat chauh hmang bangin inkhel hmuhnawm takah hnehna an chang.
Dubai International Cricket Stadium-ah vaw hmasa zawk te vanduaina a la kaltluang zel a. India in run 173 an siam an hum zo lo.
Vawm thlang Sri Lanka tan wicket thum la Dilshan Madushanka a pawimawh hle a. Kusal Mendis leh Pathum Nissanka ten half century siam ve ve bawkin a tawpah Bhanuka Rajapaksa leh Dasun Shanaka te an che tha bawk.
India tan captain Rohit Sharma chuan run 72 a siam a. Ball hmangin Yuzvendra Chahal chuan wicket thum a la.
Dubai-ah hian kum 2020 hnuah international cricket-ah vawm hmasak thlang tawh zingah Hong Kong leh Scotland te chiah chak zo lo an la awm.
Sri Lanka hian zanin a India in Afghanistan an hneh loh chuan final an lut chiang tawh a. Lehlamah India hi chak mahse nizan leh an match hnuhnung bera Pakistan an chak chuan an tla dawn tho.