Aizawl : National Health Mission (NHM) hnuaia programme, Rashtriya Kishor Sw- asthya Karyakram (RKSK) buatsaihin nimin khan Champhaiah tleirawl leh rawltharte tan chaw tha leh hrisel ei pawimawhna inzirtirna hapta, ‘National Nutrition Week’ puala hun hman a ni. Chaw tha leh hrisel ei pawimawhna inzirtirna kawngzawh, ‘National Nutrition Week Rally’ huaihawt nghal a ni.
Dr. R.Lianmawia, CMO Champhai chuan hrisel nan ei tur tha piahlamah taksa mamawh inchawih tawk zela ei a tul thu sawiin, “thil chi khat ei teuh lovin taksa mamawh eitur chi hrang hrangte kan ei thin tur a ni”, a ti.
Kum 10-19 inkar chu taksa, rilru leh ngaihtuahna insiam chhoh hunlai a nih thu sawiin, a lanchhuah dan hrang hrangte a sawifiah a. Taksa thang mek tana chaw tha vitamin leh tul dang mamawh ang zela ei a pawimawh thu te a sawi bawk.