Spanish rawlthar Carlos Alcaraz chuan a professional tennis khelh tawh chin a a vawikhatna atan Grand Slam semi-final a khel dawn a. Ningani zingah Jannik Sinner nena an inkhel hmuhnawm takah a chak.
Kum 19 mi Alcaraz hi tlawm thei dinhmunah ding hmanin a khingpui in match point a neih tawh chu a dang tluan thei a. A tawpah 6-3 6-7 (7-9) 6-7 (0-7) 7-5 6-3 in a chak ta zawk.
Arthur Ashe Stadium a darkar nga leh minute 15 chhung inkhelah Alcaraz hian a tlo na leh thahrui ngah a chhawr a. Player naupang tha za zawk a nihna Sinner lakah a lantir thin.
“Ka chak dan pawh kha ka la hrethiam lo. Khatiang taka tennis tha ka khel thei kha keimah pawn mak ka ti zawk. Mahni inringtawk turin nasa takin ka infuih a, chu chu zaninah ka chakpui.” tiin a sawi zui.
Tun tournament a seeded number 3 hautu hian Pathianni zana final khel turin semi-final-ah tualchhung mi Frances Tiafoe a hmachhawn leh dawn.
Kum 24 mi Tiafoe pawh hi Grand Slam semi-final a khelh hmasak ber tur a ni a. 7-6 (7-3) 7-6 (7-0) 6-4 in quarter final inkehlah Andrey Rublev chu a hneh ve thung.