Han en thuak chuan pawisawina lian tak thlengah a ngaih theih a, Harry Styles-a’n Chris Pines chil a chhakkhum niin, social media-ah nasa taka vawrh darh mek a ni.
Venice Film Festival neih zawh takah khan hemi te pahnih lanna video chu a ‘viral’ vak mai a, tam tak chuan chil inchhak khumna a thleng ngei niin an sawi.
Hetih lai hian, Style chuan, “A dik lo” ni awmin a sawi niin, Guardian chanchinbu in a tarlang a, US actor Pine aiawhtute pawhin, “Story nuihzatthlak tak’ tiin an chhanglet.
Star Trek leh Wonder Woman-a inlan Pine thupuangtu chuan, “Zel din thu bawl kual vel na mai mai a ni a, online inbumna dik tak a ni,” a ti a. An pahnih inkarah thil thleng duhawm loh engmah a awm loh thu leh an mahni itsiktute’n phuahchawp hmanga thil thleng miah lo, thleng anga tihmualphotumna mai a nih thu in an puhna a chhanglet a ni.