The ‘Face/Off’ actor Nicolas Cage chuan a nupui pangana Riko Shibata lak atangin a fa hmasa ber tur a nei ta.
Kum 58 mi hi nupui neih lamah a tluang lo hle thin a, Christina Fulton leh Alice Kim te lak tangin Weston (31) leh Kal-El (16) neiin, tunah hian fanu hmeichhia a nei ve ta a ni.
Tuna a nupui pangana Riko (29) nena an fanu hming tur hi official taka puanzar la ni lo mah se, tunhma lam khan fa a neih chuan a lam tawiah ‘Lenny’ hming a phuah tur thu Cage hian a lo sawi tawh.
Cage leh Riko te hi 2019 khan intawngin, FaceTime kaltlangin damchhung kawppui atan a sawm hnu ah February 2021 khan Las Vegas-ah an innei.
Oscar chawimawina hial pawh dawng tawh Hollywood actor lar Cage nupui hlui te chu Patricia Arquette (1995 – 2001) Lisa Marie Presley (2002 – 2004) Alice Kim (2004 – 2016) leh Erika Koike (2019 khan ni 4 chhung innei) an ni.