Aizawl: MNF Adviser Lalruatkima’n session neih zawh taka Assembly House-a a bill pharh an pawm tak, ‘The Mizoram (Land Revenue) Amenmend Bill, 2022’ chu mi retheite tana tha tur zawk a nih thu a sawi.
Zirtawpnia Mizo Hnam Run-a chhung inkhawmah thu sawiin Revenue Minister Lalruatkima hian Assembly House-a dan ding lai siam that tam zawk hian mi rethei zawkte a neksawr ngai lo niin a sawi a. Mizoram Land Revenue Rules 2013 chu Congress sorkar hun lai siam niin, tun tumah hian dan anga siam danglamin thingtlang mi tan malsawmna a ni dawn a, mi rethei leh sorkar tana tha tura ruahman a nih thu a sawi.
‘The Mizoram (Land Revenue Amendment’ an pawm tak chungchang sawi fiahin Lalruatkima hian, “LSC an duh reng, an neih theih loh kha property card an nei ang a, property card hmangin loan-te an la thei tawh dawn a ni. Thil kal mek a nih avangin tuna zangnadawmna lakna tur hoah hian ‘cut’ a ni dawn lo. Thil lo la awm turah chauh ‘cut’ a ni dawn,” a ti.
Revenue minister hian legislator-ten dan an siam behchhanin court-in thutlukna a siam thin tih sawiin, ‘Court-ah kan chak leh chuang lo ang’ tia dan siamtu aia court kha thunei zawka ngai house chhungah awmte hi chief minister ni ta se khuar khurumah an tlakpui ang tih hlauhawm khawpa bo an nih thu a sawi.
RD Minister Lalruatkima hian eptu MLA pakhatin Border Area Development Programme (BADP) hna atanga zaa 25 ei anga a puh chu a hriat chian loh vang tih sawiin, “Zaa 25 hi ei tur a awm lo, lak tur pawh a awm lo,” a ti.