Mizoram sorkar din, Mizoram State Boundary Committee atangin Congress party a inhnukdawk.
Congress party hian Mizoram sorkarin Boundary Committee a kalpui dan te, meeting-a ngaihtuah tur agenda chhawpchhuah a nih dan te leh Assam nena ramri chungchanga inbiakna a sorkarin Boundary Committee a ngaihthah leh si dan te a zir chian hnuin Mizoram sorkar hnuaia Boundary Committee hi tel zelna tlakah an ngaih loh avangin committee atangin an inhnukdawk.
Ningani khan Boundary Committee atangin an inhnuhdawh thu hi Boundary Committee member secretary, Commissioner & Secretary, Home Dept hnenah ziakin a thlen.
MPCC hian nimina Mizoram sorkar Boundary Committee thutkhawmah pawh aiawh a tir lo a ni.
Congress party hian party chhungah Boundary Committee a neih sa hmangin Mizoram leh thenawm state-te nena ramri chungchanga harsatna a neihte hi uluk takin a en zui zel tur thu an sawi.