India ramah darkar 24 liam ta chhungin coronavirus kai mi 6,093 hmuh chhuah leh hman niin mi 4,44,84,729-in an kai tawh.
Union health ministry-in a tar lan dan chuan hri kai enkawl lai hi mi 49,636 an la awm.
Darkar 24 chhung hian Covid vanga thi chhinchhiah belh mi 31 awmin mi 5,28,121-in an thihpui ta a, heng zinga mi 13 erawh chu a hma lama thi tawh, Kerala-a chhinchhiah thar an ni.
Hri kai hmuh chhuah tawh zawng zawng atanga chhutin enkawl lai hi 0.11% an la ni a, 98.70% erawh enkawl dam an ni tawh tih ministry chuan a sawi.
Darkar 24 liam ta chhung hian enkawl lai hi mi 706-in an tlahniam leh hman a ni.