Rilrulam thiam doctor te’n he social media-a thuk taka inrawlh leh khawih loa awm thei lo te hian, ‘Facebook kaihhnawih rilruhahna’ an nei ngei, tih an finfiah thei tawh a. Mihring maktaduai tam tak chuang awmna hmunpuiah hian thiantha leh chhungkua anga hmaichhana inhmuhna boruak a tihtlem hret hret avang hian mimal leh chhungkuaah pawh rahtha lo a chhuah mek niin, Edinburgh Napier University-a mithiamte chuan an sawi.
Hetih lai hian, thian ni tura va ngen (request)-na lo hnawl sak te hian mahnia inthiam lohna leh insitna bakah, rilru nawmlohna a thlen thuai
thin a, tun dinhmunah chuan Facebook hmangtu sawm zela pakhatte hian chi-aina leh buairukna lian tak an nei deuh vek tih a ni.
Thenkhatin biak sen loh leh kawm sen lo thian an neih mek laiin, thenkhatte erawh chuan thian tihtham an nei lova, thian nei ngah deuhte
thikna leh awhna an lo nei ve mek bawk. Chu chuan an nitin nunah pawh harsatna neuh neuh a thlen mek tih a ni bawk.
Napier University-a thawk, he zirchianna bultumtu ber, Katy Charlechuan, “Contacts nei ngah leh, helai hmuna an hun tam zawk hmangtute hi hmang ‘regu’ vak lem lo te aiin rilruhahna leh tawt ut utna an nei duh zawk a, neih theihna ‘chance’ pawh an ngah zawk,” a ti.