Khawvel football thuneitue FIFA chuan tun nipui player bazar inhawn chhung khan mipa football bikah player agent ten Pound maktaduai 430.8 sum an lalut tih a sawi.
Tun nipui a player insawnnate zirchiannaah FIFA chuan football agent-te hian player te insawnna a sum che vel Pound tluklehdingawn 4.36 atangin 10% dawn an chang tih a hmu a. Tun player bazar kha khawvel huap a mipa leh hmeichhe football a player insawn tam ber tum a la ni.
FIFA in a zirchiannaah tunhnai kum 10 chhungin agent ten an player te insawnna atanga fee an lak chu 6.1% atang 9.9% ah a pung tih an sawi bawk.
Tun nipui mipa football player bazarah Pound tluklehding 4.36 sen chu a la tam ber tum niin kum hmasa lam 29.7% in a khum.
English football a bikin an che na a, Pound tluklehdingawn 1.9 an hmang ral.
Mipa football-ah player 9717 insawnin hmeichhe football-ah 684 an insawn.