Tun dinhmuna India rama filmstar hlawh hnem ber zingami, sorkara chhiah pe tam ber ni mek Akshay Kumar-a’n kum 55 hmel a hmuh takah chuan a neih sum rohlu te hriat a tha awm e.
Kum 1987 khan ‘Aaj’ film atangin lemchan khawvel a dailut tan a, Bollywood-a actor taima leh invawngfel thei ber ni hiala sawi ni chhovin, film hit tak tak a vawrh chhuak.
Nimin September 9 khan a birthday a ni a, vawiina kum khata upat belh hian social media ah fan te duhsakna leh lawmpuina a dawng hnem malh malh hle.
Heti ang hian Akshay Kumar-a thil nei hlu leh manto te tarlang ila:
Tuifianriat lam hawia Duplex In lian leh ropui
Mumbai-a a chenna In lian leh ropui takah hian home theatre, home office, walk-in closet, In chhung lama Dil leh floor-to-ceiling tukverth te bakah Huan ropui tak a khung leng vek. Juhu-a a thil neih hlut zawng hi cheng vaibelchhe 80 chuang a ni.
Rolls-Royce Phantom VII
Actor lar hi Rolls Royce Phantom kutchhuak model pasarihna nei thei a ni a, chegn vaibelchhe 8.99 atanga vaibelchhe 10.48 inkar man a ni. Car changkang leh pui tak hi belhchian a dawl hle.
Goa-a Holiday home
Report hrang hrang tarlan danin, Akshay hian Goa-h Portuguese style villa ropui tak a nei a, hetah hian private pool changkang mangkheng a dah bawk.
Private jet
Ama pualin thlawhna a nei a, cheng vaibelchhe 260 chuang man a hung luah mai. A thlawhna thlalak a social media-ah te hmuh tur a awm fo.
Bengtley Continental GT
Akshay hian luxury car hrang hrang a a ngaina hle a, collection a neih te hi nilenga en tham a tling. Bentley Continental GT a kawl mek hi a roh viau mai a, cheng vaibelchhe 3.57 man a ni.