- ‘Goal’ siam sak rawh
Naupangte hi an than zel avangin an rihna tihhniam nghal tum ngawt aiin an thlen chin-a an rihna an vawn thiamna lam zawka hi ngaih pawimawh tur a ni.
Rihna tam chho si lova, a pumrua a sâng chho zel anih chuan a cher dawn tihna a ni bawk. A thau emaw thau ‘over’ a nih chuan kar khatah kg 1-2 vela tihhniam tumin ‘goal’ siam tur a ni a, a pawng a pui a, goal lian tak chhawp chhuah tur a ni lova, a theihnain a tlin chin zela tihhniam khan naupang pawh a inherrem thei zel dawn a ni.
- Insawizawi tura tihphur
‘Aerobics’ emaw taksa insawizawina pangai neih hian a taksaa ‘calories’ a titlem tial tial dawn tihna a ni a. Entirnan: Ke-a kal, pen theuh theuh leh cycle khalh te hi ‘calories’ paihnan thil tangkai tak an ni.
A hrana ‘exer’ lak hi thil harsa anih chuan taksa chetna a tam tur a ni a, tehkhinnan – Millennium Center-a bazar turin in kal a, lift leh elevator- a chuan ai chuan ke-a kal chhoh mai tur a ni a, lirthea phur kual chiam aiin ke-a a tam thei ang bera kalpui tur a ni.
- Ei tur tha leh hrisel
Nikhatah chaw vawi thum (tam vak lovin) ei tir ang che. Ril tama awm tir reng tur a ni lova, ‘snacks’ pawh vawihnih ai tam pek loh tur.
Thei leh thlai lam ei uar tir la, hunbi nei takin tui in teuh thin rawh se.
A theih chuan ‘serthlum’ hi ei uar a tha hle a, amah hian ‘fibre’ a tam avangin a that pui hle ang. Thau lam chi ei tlem a, chips leh cakes tih vel mai mai barh chiam ai chuan ‘popcorn’ te hi a la thlanawm zawk.
- Chhungkaw ei leh in tihdanglam
A hman chang leh phur changa ei a, in lo turin hrilh la, a ril tam chauha ei turin thunun that tur a ni. TV en chunga thil ei tir te hi a tha lo hle.
Chhugkuaa chaw ei hian chokaah emaw dining room-ah chauh ei tur a ni a.
TV enphaha thil a ei thin anih chuan duh aiin a lo ei teuh/tam viau thei a, thau belh lehzualna mai a ni.
- A sukthlek leh nungchang
Ei leh in tur chungchanga a phurna tur atana ‘lawmpuina’ pek thin hi a hrisel hle. Entirnan – Kar khat chhung ‘cold drink’ mai mai in lova, tui a inchar char thin anih chuan a duhzawng leh a tana tangkai tak tur ‘toy’ lei sak emaw thil tha tak pek te hi chin tam atana sual lo tak a ni.
‘Lawmpuina’ tihah hian ei tur hmanga lawmpuina ‘khilai’ erawh a tha lo thung.
- Naupang lam thiam doctor rawn thin rawh
Chawlhkar hnih dan zelah hian a rihna leh thisen enfiah turin naupang doctor hnena hruai thin hi a tha hle a, a theih chuan zawm ngei ni se.
A rih belh hlauh luat vanga nitin maia In-a inbuk tir tluk tlukte hi naupangah rilruhahna leh nawm lohna a a siam vangin thil tha aiin thil tha lo a thlen zawk.
- Tanpui vartu hnai reng
Chhungkua anga tanpuina hi naupang hian a mamawh ngawih ngawih. In-ah hmawmsawm i lo vel mai mai dah teuh thin hi a pawi thei a, chaw tha pangai pawh ni lova, ei theih man to leh changkang tak tak pek vak vakte hi naupangin an that pui kher lo.
In lamah mahni siam ngei, naupangin ‘Ka nu siam ngei a ni’ tih a hriat hi a hlu ber a, hna ropui ber a thawk thei bawk.
A thau vanga fiam te hi chin loh tur a ni a, a thau tihhniam intumnaah hian tanpui vartu hnai reng ni theuh ang che u.