I&PR Minister Lalruatkima, bialtu MLA ni bawk chuan Inrinni khan Vaivakawn thlanmual kaltlanga Zohnuai veng atanga Sairang (National Highway 54) panna kawng siam thar a hawng.
Hawnna inkhawmah minister hian Covid-19 len hma deuhin Vaivakawn atanga Bazar Bungkawn kawng tha mawh em em leh kum tin deuhthaw siam that ngai thin sorkarin a siamsak chu mipuite leh khawtlang hruaitute tawiawmna zarah puitlin a lo ni ta chu lawmawm a tih thu a sawi.
Bialtu MLA hian inkalpawhna kawng chu hmasawnna atana rahbi pakhat a nih avangin mipuite pawhin a enkawl leh a hman danah fimkhur a, uluk taka neitu chan changa mawhphurhna la turin chahin, danin a phal loh thil te tih loh leh bawlhhlawh paih thleng pawha fimkhur a tulzia thu a sawi.
Kawng siamna atan hian Rs. nuai 166.77 siam a ni a, thawh khatna hi March 10, 2021-ah khan zawh a ni a, thawh hnihna hi September 19, 2022 khan zawh fel a ni. Meter 400 vela thui niin, lirthei tê chi kal theihna a ni.
AMC Councillor Lalfakzuala Chenkual kaihhruai kawng thar hawnna inkhawmah hian bialtu MLA hi AMC Deputy Mayor R. Thanglura’n a tawiawm a ni.