MotoGP round 16 naah world title inchuhna a tel rider pahnihten point an hmu lova. Ducati khalhtu Jack Miller chuan Japanese Grand Prix-ah pakhatna a hauh.
Motegi a intlansiakah tunhnaia che tha filawr tak Francesco Bagnaia chu lap hnuhnung berah a chesual a. Ani bakah Aprilia rider Aleix Espargaro chu intlansiak tan dawnah a bike chiang lo a awm avangin a bike thlak a ngai. Hei vang hian bul tan pangngai ve thei lovin pit lane atangin a tlanchhuak a. 16-na a hauh.
Repsol Honda chhuanvawr Marc Marquez chuan kum 2019 hnua a vawikhatna atan pole position atangin intlansiak bul a tan a, palinaah a tlan thleng.
MotoGP round 17 hi karleh Pathianni chawhnu dar 1:30-ah Thailand-ah an intlansiak leh ang.