Aizawl : PC party President Vanlalruata’n hnamdang sumdawng leh mistiri ten sumdawnna leh hnaah Mizo te an chimral titih tawh nia sawi fo chu ngaimawhawm a tih thu sa- wiin, “hemi laka inhumhimna tur leh heng harsatna chinfelna tur dan tha awm sa hi kan sorkar hian a hre lo nge a kengkawh ngam lo zawk tih hi ngaihtuah tham tak a ni,” a ti.
PC party hruaitu atana thlan thar te thutkhawm hmasaber nimina neihah he thu hi PC party President thar chuan a sawi a. “Dan kenkawh loh avanga dinhmun thalo taka kan awm hi PC party chuan tha a ti lo takzet a ni” a ti.
Vanlalruata chuan nakuma MLA inthlan lo awm turah PC party-in sorkarna an chang a nih chuan dan awm sa hmangin heng harsatnate hi an chingfel dawn niin a sawi a. Dan awm sa-in a daih lo a nih pawhin dan thar an siam mai dawn niin a sawi.
PC party President chuan sumdawnna leh hna zawng zawngah hnamdangte an chimral let vek dawn nia sawiin, PC party policy leh hmalakna turah Mizo hnam himna a awm niin a sawi bawk.