Aizawl : Lai autonomous district council-a, Information & public relations enkawltu Executive member Lalropuia Chinzah-in nimin khan MJA Lawngtlai district hruaitute hnenah LADC sorkarin Journalist pension fund atana a ruahman Rs. nuai 1.5 a hlan.
Lalropuia Chinzah chuan pension fund-ah pawisa tam zawk dah duh mahse, sum harsatna avangin an dah tam theilo nia sawiin, kum hmasa lam nena khaikhin chuan za-a 50 in a pung tih a sawi a. MJA Lawngtlai district-in LADC sorkarin chhawmdawlna tur a pekte tangkai taka hmanga pension scheme tha tak siama, an member te tan pawisa an khawlsak chu lawmawm a tih thu a sawi bawk.
MJA Lawngtlai dist hruaitute pawhin Journalist te chu khawsak harsa ve tak tak, theihtawpa chanchinbu hmanga ram rawgbawl hna thawktu an nih thu sawiin, LADC sorkarin a hre chiang chu lawmawm an tih thu an sawi a. Mizoramah Journalist pension nei thei awmchhun an ni chu LADC sorkarin chanchinbumite a ngaihpawimawh zia tilangtu niin an sawi.