NBA veteran forward Jae Crowder chuan a team in player trade a telh theih dan an dap avangin Phoenix Suns training camp zawm rih loh a dil a, a team pawhin an pawmsak.
Kum 32 mi Crowder hian Suns-ah hian kum khat contract Dollar maktaduai 10.1 hlawh theihna a la nei a. Mahse Suns lamin forward Cameron Johnson chu khelhna hun tam zawk pek an duh avangin a tan team-ah hmun pawimawh a awm dawn lo niin an ngai.
Hei vang hian amah pawhin a hma hun chinfel a nih hma chu training camp zawm rih loh a thlang a. Suns lam pawh hian an hnena contract rei a neih tawh loh avangin trade a hman theih dan an dap a, season thar a contract pek an tum tawh lo nia a lan avangin an defensive specialist hi tun season tan hma a chhuahtir an hnial lo.