Social media leh internet hmang nasa em emte zingah mahnia maltlat
duhna, rilruhah benvawn, mut theih lohna leh thau luat (obesity) a nasa hle nia hriat a ni a, a bik takin hemi nghawng hi tleirawlte’n an tuar hle niin, Industry chamber Assocham-in an tarlang.
He zirchianna atanga a lan danin, darkar 5 ai tam hman hi a ‘lutuk’ tawh tihna a ni a, kum 12-18 inkarte zingah hlauhawmna hi a nasa zual bik nghe nghe.
“Tleirawl mai ni lo, naupangte chenin internet an hmang nasa hle tawh a, internet an hmelhriat tanna pawh hi kum lamah pawh naupangte an la nih lai a ni a, hemi vanga harsatna lo thleng hi buaipui tham a tling tawh,” tih a ni.
A bik takin, nu leh pa hnathawh nei fate zingah internet atchilh hi an tam lehzual a, nu leh pate enkawlna leh thlithlaina hnuaia awm mumal lo te hian hunawl an ngah a, chu an hunawl hnawhkhahna erawh a him lo hle thung si a ni.
He thil hi khawpui lianahte a nasa lehzual a, ni lenga nu leh pate chhuahsanna In hi a him lo hle tih a ni bawk