Typoon na takin Philippines a nuaiah chhanchhuah hna thawktu mi panga an thi a, chenna in tam tak tuiin chimin mi maktaduai telin electric an nei lo bawk.
Thite hi an khawpui, Manila hmar lam, San Miguel district-a hna an thawh mawlh mawlh laiin tui lian thutin a la a ni.
District hi Typhoon Noru tuar na ber zinga mi niin mi cheng thenkhat chu an in chungah an la tang a, khawlaia tui bawlhhlawh tak, awm thlenga dai tur awm daia insaseng leh mamawh lam an awm bawk.
Typhoon hian darkar khata km 240 zeta chakin Luzon a lut a, helai bawr hi an rama mihring maktaduai 110 cheng zinga a zahve zette awm khawmna a ni.
Tual chhunga Karding tia an sawi, Noru hi khawmual a kai tirh chuan super typhoon a ni a; mahse, Pathiannia an ram sana zan dar 8:20 khan a chakna hlohvin typhoon a ni zui a, Thawhtanni tlai khan Philippines a chhuahsan fel chiah.
San Miguel-a San Vincente khuaah chuan pa pakhatin a in chhunga tui tling chu a phiat chhuak hluau hluau reng a. Mi dang pakhat, a in chunga ding chuan an ram hruaituten sik leh sa inthlak chu mutmawh hnarmawha an neih a tul thu a aupui lauh lauh bawk.
San Vicente khuaah hian Thawhtanni zing dar 4:00 velah tui a lian tan a, tlai lamah erawh kâm lam a pan leh nghal.
Typhoon-in a zawh tura awm mi 74,000 chuang hmun hima sawn an ni a, thuneitute chuan Manila khawpuiah tui nasa takin a lian thei tih an sawi lawk bawk.
An sawi ang em em erawh a thleng zui lo va, thil chhia leh thi an tam vak lo.
“Kan vannei tak zet niin ka hria,” tiin President Ferdinand Marcos chuan Thawhtanni khan a sawi a. “Ni hnih liam ta chhunga kan chetna, kan lo inbuatsaihna kha a pawimawh tak zet a ni,” a ti bawk.
“Kan hna kan la zo lo va, hmun danga sawnte an ina suan luh leh hna kan la thawh a ngai,” a ti bawk.
Marcos-a hian mamawhte chu thlawhnaa pek kual a nih tur thu leh hnawk then faina hmanruate pawh inpek a nih tur thu a sawi.
Manila khaw chhak, Quezon Province-ah chuan sangha mantute chu tuipuia chhuak lo tura tih lawk an ni a, power nei lo an awm nual.
Thlawhna leh lawng zin tur thulhtir an ni a. Luzon bikah chuan President Marcos chuan sorkar hna leh zirna in zawng zawng khar a puang bawk.
Manila hmarchhak, Dingalan veng lehPacific kama chengte chu inhumhimna dap tura hriattir lawk an ni.
Mahnia inpeten lui chim chin, lei leh lei min theihna tlang awihte an vil reng bawk a ni.