Nghet taka inchibai hi mahni inrintawkna leh midangte thlawpna emaw, inringtawk tura duhsakna hlanna chikhata ngaih a nih thin laiin, damrei i hmabak tihna pawh a kawk niin scientist te chuan an sawi.
Kum sawm chuang zet zirchianna an neihah kan thil hmer nat dan te, kan kal (ke pen) chak dan te, chair atanga kan thawh chhuah dan te leh, taksa inrualkhai (balance) taka kan dah dante hian damrei hun chhung tur hi kawng engemaw takin a hril tih a ni.
Medical Research Council chuan- ram 33 atanga kum 18-80 inkar te chu uluk takin an enfiah a, hmer nat dan hian tleirawl leh upa lamah pawh danglamna mak tak a thlen tih a ni a. Hmelah tak an han en vang vang hnu-a, inchibai phaha hmer vang vang thinte zingah damrei hmuh tur an tam hle niin, Medical Reseach Council-a an hotu pakhat Rachel Cooper chuan a sawi. Inchibai phaha kut hmer vawng vawngna leh damreina inzawm dan hi British Medical Journal-ah tarlan a ni.