Amah thlawptu MLA 90 chuangin an state sorkar an tihnghin mek lai leh Gandhi chhungkuain a chet dan tha an tih loh mek laiin Gehlot-a chuan party president inthlan chuh a tum chu a la thulh chuang lo.
Kum 71 mi, Gehlot-a hian inthlah chuh a tum ta lo nia sawi a awm hnu lawkah, ‘A la tum reng a, a la bansan lo’ tiin party chhunga miten NDTV an hrilh a ni.
Gehlot-a hian Congress President Gandhi-i pawh hmuh a tum a, a lamtang an party hruaitu pathum pali vel, helna chawl chhuaktute pawh kamkhat ngei an nih rin a ni.
Rajasthan-a Congress buaina ber hi Gehlot-a’n party chief a nih hnua a aiawha chief minister ni turah Pilot-a duh lohna vang a ni a. Gehlot-a hi chuan Gandhi-a’n chanvo pahnih chelh tha lo tih a sawi hnuah chief minister nih zui loh a tum a ni.
Thuneitu inthlak tur hi Pathianni zana Gehlot-a ina Congress MLA-te thutkhawma tihfel mai tura ngaih a ni a. |hutkhawmah hian chief minister bakah central-a an hruaitu, Ajay Maken leh Mallikarjun Kharge te pawh an tel a ni.
Mahse, Gehlot-a ina thutkhawmah hian Congress MLA 107 zinga 25 chuang awrh chauh an tel a. MLA tam zawk chu Gehlot-a lamtang, minister pakhat, Shanti Dhariwal-a’n thutkhawm a kohna lamah zawk vek an kal a. An thutkhawm zawhah bus-a assembly speaker chenna in panin Gehlot-a chu Pilot-a leh kum 2020-a a helpui MLA-te hmanga thlak an nih chuan an bân vek tur thu an thlen a ni.
MLA rualte hian Gandhi chhungkaw duh dan leh kal dan pangngai an bawhchhe vek tihna a ni a. Chief minister thar tur chu an party president thlan zawh fel hnua tihfel chi chauh zawk a ni.
Gehlot-a chu Congress chief a nih theih chuan amah ngei pawh amah thlak zuitu tur thlang tura thuneitu ber a ni tawh zawk dawn a ni.
Congress MLA rual helna hi minister pathum kaihhruainaah kalpui a ni a, anni hi Gehlot-a lamtang vek an ni a, amah hi chuan inrawlhna a neih loh thu a sawi a, zing atangin India-Pakistan inrinaa sakhaw hmun thianghlim tlawhin phone-a biakpawh theih pawh a ni lo niin a insawi.
“Ka kutah engmah a awm lo, MLA-te hi an thinrim a ni,” tiin central-a an hruaitute chu a hrilh.
Hetih lai hian Delhi-a an hruaitute zingah MLA 92 zetten bân hial an tumna chu Gehlot-a thu lo chuan an tih ringtu an awm iah lo va. Gehlot-a pawh hian a MLA-te chet dan avangin ngaihdam a dil a, Congress hruaitu lawkte chuan ‘inthununna awm miah lo’ tiin an chet dan chu an sawi.