Hindi film industry-ah chuan Shah Rukh Khan, Salman Khan leh Aamir Khan te hi Supestar ropui ber zingah dah an ni a. Chutih rualin, tunge hausa ber ni a, tunge neinung ber a, Bollywood Khan hi tu ber nge ni ang le, tih i hrechaing duh a nih chuan chhiar thla rawh le.
SHAH RUKH KHAN
Film bakah SRK hian Red Chillies Entertainment leh Kolkata Knight Riders a nei tel. India ram hi Bollywood leh cricket atchilh a, buaipui ruh rum rut an nih vang hian Khan hian khawi atang pawh hian sum a lalut han ham reng mai.
Mumbai-ah In leh lo manto tak a neih piah lamah Dubai ah te pawh hmun leh ram zau tak a nei tel bawk. Report thenkhatah chuan SRK nikhat hlawh hi cheng vaibelchhe 1.40 vel niin, a hausakna leh hlutna hi cheng vaibelchhe 5593 a ni pha. Bollywood Khan zingah a hausa ber pawh hi thil mak a ni love.
SALMAN KHAN
Bollywood superstar zinga hausa ber pawl ni pha, ‘Tiger’ hi acting leh film prouduce bakah Galaxy aparments liantham leh changkang ropui tak, cheng vaibelchhe 100 chuang man hu a thutpui run mai a. ‘Being Human’ leh investment dangte atanga sum tam tak a lakluh mek bakah kumtin sawi leh rem rem tak, Bigg Boss reality show hmuhnawm tak a host reng bawk a. Ni khatah cheng vaibelchhe 1.01 hlawh thei hausakna leh hlutna hi cheng vaibelchhe 2900 velzet a tling bawk.
AAMIR KHAN
Bollywood superstar zingah chuan lar ber pawl leh ‘Perfectionist’ tih hiala hriatlar hi Salman leh SRK ang em chuan a ‘active’ lutuk lem lova, Film siam leh brand fakna thilah pawh a thawm a reh angreng fu. Kum tin tih mai turin film a siam ve ngai lem lo. Heti chung hian a ni khat hlawh hi cheng vaibelchhe 33.47 hial a ni a, hausakna leh hlutna pawh cheng vaibelchhe 1800 vel anga chhut a ni.