Aizawl : Kolasib leh Lunglei district chhunga fourlane kawngpui siam tura ram lak tur chungchangah – Revenue deptt, Forest deptt, CALA leh NGO ten joint verification an nei dawn.
Tunhnaia GAD hotute thukhawm chuan Kolasib leh Lunglei district-a four lane kawngpui siam tura ram lak tur chungchang sawihovin, sorkar plantation hmun, sorkar ram te chu pawnlam mi ten an ram anga chhala zangnadawmna hmuhna atana an hman loh na turin Land revennue, EF&CC, CALA leh NGO ten jt. verifi- cation neih ni se, an ti a ni.
GAD hotute thukhawm chuan “NHIDCL leh EF&CC Deptt. atanga dodalna awmlo chu CALA-in zangnadawmna tikhawtlai lovin pechhuak rawh se,” an ti a. Forest area-a ram neite chu district admistration-in GAD-ah a thehlut ang a, zangnadawmna pekchhuah dan tur chungchang chu sorkarin a ngaihtuah turin an ti a. Forest (conservation) act, 1980 huamchhunga October ni 25, 1980 hma lama khua/ram/mihring chenna ngei te a finfiahna nen CALA-in DFO Kolasib-ah a pe ang a, DFO-in a lo enfiah hnuah Competent authority-ah a thlen leh tura tih a ni bawk.
GAD meeting-in a rel tawh anga package 3 & 4 huama ram neitute hnena Thlai, In/hmun hma dang (structures) etc. awm te chu a ram hlutna tel lovin zangnadawmna pek ni se, tih chu pekchhuah a la ni lo nia thudawn a ni.