Aizawl: Hachhek Zone Volleyball Association-in Hachhek Zone MLA Cup Volleyball Tournament an buatsaih chu hawnna bialtu MLA Lalrindika Ralte chuan khuallian niin a hmanpui.
Thusawiin Lalrindika Ralte, MLA hian, thalaite theihna leh thiamna lanchhuah tirna hun remchang siam a ni chu lawmawm a tih thu a sawi a. “Hlawhtlinna hi inpekna tel lo chuan a lawng ringawt a neih theih a ni lo a, mahni infuihna nen hlawhtlinna kalkawnga tuar tur awm zawng zawng hi tuar turin kan inpeih tur a ni,” tia sawiin, thalai te’n hlimna an zawng nasa a; mahse, hlimna atana pawimawh ber chu chhia leh tha hriatna chunga rinawm leh chhia leh tha hriatnain tha a tih chin chiah tih hi a nih thu a sawi.
He tournament-ah hian Hachhek bial khaw hrang hrang atangin khaw 12 an tel a, hmeichhia team 15 leh mipa team 19, a vaiin team 34 an tel.